Aram baya nindo mga ka-bombo, tanganing makaakit pa nin dugang na empleyado, pinurbaran kan sarong Japanese tech company na magtangro nin libreng arak asin hangover leaves sa mawot na magin parte kan saindang kompanya.
Puon kan taong 1990 an ekonomiya kan Japan an nakaeksperyensiya nin pagluya na nagin rason tanganing magbaba man an sweldo kan mga empleyado kun saen maski an ibang mga korporasyon an pig-anusyar an plano na maglangkaw kan saindang pasahod alagad an mga sararadit asin medium-sized companies an dae kayang makipagsabayan digde.
Dae soboot kaya kan saindang budget an halangkaw na pasweldo sa saindang mga empleyado.
Huli kaini, komo pakikipag-kumpetensiya sa mga darakulang korporasyon, an sarong Japanese tech company an nag-isip nin ibang mga paagi tanganing makahanap nin bagong mga empleyado.
Saro na digde an pagtangro nin libreng arak sa saindang mga staff sa oras nin trabaho asin hangover leaves tanganing makapahingalo an mga ini.
Sa ngunyan, an nasambitan ng lakdang an nagkaguno nin magayon na reakyon sa publiko asin nagin viral sa social media.
