Labing kadipisilan an kinakahampang kan mga doktor sa Gaza pag-abot sa pag-ataman sa mga bagong mundang na omboy asin sa mga premature babies huli sa kakulangan nin incubators, huli sa kakulangan man nin bastanteng suplay kan fuel.
An nasambitan ng problema an kasabay kan nagpapadagos na opensiba kan Israel sa lugar.
Sigun sa pamayo kan neonatal department kan sarong ospital sa Gaza, an kakulangan sa generators asin kuryente padagos na nagpaparalisa sa saindang serbisyo na nagreresulta sa kagadanan kan nagkapirang mga omboy.
Napipiritan soboot sinda na ipagsalak an mga omboy na ini sa saro sanang incubator na nagkakawsa man nin paglakop kan mga helang.
Pigsaysay man kan Israeli military official na nagpakol sa 160,000 litres kan fuel na para sa mga ospital asin iba pang humanitarian facilities an naglaog nin Gaza alagad dae pa aram kun pano an pagdestrebwer kaini.
Mietrastanto, pig-akusaran man kan Palestinians asin medical workers an Israel na pig-aatake an mga ospital alagad maduon man ining pinahimutikan kan Israel.
Sa ngunyan, kabanga kan nasa 36 na general hospital sa Gaza an operational sa presente.
