Ipinahiling kan House of Representatives na dae pwedeng balewalaon an pigsunad na impeachment complain kontra ki Vice President Sara Duterte.
Ini an pighayag ni dating Senator Leila De Lima na saro man sa mga nagsunad nin complaint.
An pahayag ni De lima an kasunod kan nagin lakdang kan Kamara sa pag-impeached sa panduwang Presidente na nangayari kan huring aldaw kan sesyon antes ini mag-break.
Sinaysay ni De Lima na ginibo sana kan Kongreso an tama asin dapat na hakbang para sa Pilipinas.
Pigtawan-duon kan dating Senadora na an impeachment an bakong personal na laban, bako ini mapadapit sana ki VP Sara, asin dae dapat ini pigkokonsiderar na pulitika.
Hurot ni De Lima, ini an lamang kan mamamayang Pilipino sa pang-aabuso, katiwalian, asin pagwawarang bahala sa mga institusyon, pambabastos, kawaraan nin respeto sa mga proseso na pigbugtak sa saligang batas.
Soboot, malinawag an mga paratang konta ki VP Duterte siring kan marekas na paglustay kan milyun-milyong confidential funds nin mayong marhay na paliwanag, an paggamit kan posisyon para sa pansadiring interes, asin an lantad na pagporbar na rauton an mga prosesong nagsisierto kan paninimbagan sa gobyerno.
Sinaysay ni De Lima an mga akusasyon kontra ki VP Sara an malinaw na pagbalgar sa konstitusyon, tahasang pagtataksil sa tiwalang pigtao kan taumbayan.
Pigpunto kaini na an kwartang piggamit nin mayong paliwanag an kwarta kan taumbayan na dapat napasiring sa edukasyon, bulong para sa mga may helang asin ayuda para sa mga nagtitios.
Soboot bakong makatarungan na igwang mga pamilyang dae nagkakakan nin tolong beses sa sarong aldaw, igwang lider na naggastos nin milyon na mayong paliwanag.
Hamon man ni De Lima an mga kinatawan kan Kongreso na patunayan na kaya kaining igilid an personal asin pampulitikang interes asin ipaglaban an tama.
Dapat sanang magin patas asin transparent an proseso, asin tunay na nagbubusol kan hustisya. Sigun pa ki De Lima na dae pwedeng magin sarong palabas sana soboot ini tanganing takupan an katotoohan.
Nangapudan si De Lima sa mga grupong nagsunad nin impeachment complaints kontra ki VP Sara na magin mapagmatyag asin bantayan an proseso kan impeachment.
Pigsierto ni De Lima na saindang babantayan an proseso kan impeachment huli ta igwang mahirong makinarya tanganing pugolan o hadlangan an impeachment.
