Pigsierto kan Bureau of Internal Revenue (BIR) na sinda padagos na nakikipag-koordinar sa manlaen-laen na mga online selling platforms komo kasimbagan o paglaban ninda kontra iligal na pagpapabakal kan vape.
Ini mismo an pighayag ni Bureau of Internal Revenue Commissioner Romeo D. Lumagui Jr. na soboot bako sana sa mga importers asin physical stores sinda nakatutok bagkus magin na man sa online.
Kun saen pigheras pa kaini na sinda igwang pigsasagibong koordinasyon sa mga nasambitan ng platforms tanganing maipa-take down an mga iligal na tindahang dae soboot rehostrado o bigong makasunod na iligal na proseso kan pagnenegosyo.
Mientrastanto, pig-ako man ni Commisioner Lumagui Jr. na dae makakailang igwang nakakalusot pa man orog na an iba an nagtitinda nin patago sa mga online groups o online marketplace.
Alagad siring man, pigpatanidan kaini an mga paratienda na dae ipadagos an patagong pagpapabakal kan produktong vape huli man ta hahabulon soboot ninda an mga ini an susunadan pa nin kaukulang reklamo.
Marurumduman na kasuarin sana, personal na nagpasiring si Bureau of Internal Revenue Commissioner Romeo D. Lumagui Jr. sa Department of Justice tanganing magsunad nin kaso kontra sa tolong importer kan produktong vape.
Kun saen pigsunado kan kawanihan an bilyun-bilyong piso na tax evasion case sa mga negosyong ini huli sa dae pagbabayad kan kaukulang exercise tax.
Kaya man abiso pa kan nasambitan ng commissioner na mapa-online o physical stores asin retailers man, sinda an padagos na magmamanman tanganing masampolan pang makasuhan an iba pang mga dae nagsusunod sa tamang proseso sa pagnenegosyo.
