NAGA CITY – Naikurit kan Barangay San Francisco, Naga City an labi 100 na evacuees sa panlalamasa ni Bagyong Pepito.
Sa entrevista kan Bombo Radyo Naga ki Efren Nepomoceno, Barangay Captain, San Francisco Naga City, pigsaysay kaini na na nagin magayon an saindang pag-ebakwar sa laog kan simbahan kan San Francisco asin sa katunayan maogma soboot an mga evacuees huli man sa tinaong food pack ni Congressman Gabby Bordado.
Dugang pa kaini na dae man soboot binaha an saindang lugar kumparar kan nakalihis na bagyong Kristine, asin huli man ta ngunyan dae man nag-apaw an salog kan siyudad.
Pasalamat pa man soboot an kapitan huli man ta dae man gayo naapektaran an siyudad kan Naga kaining bagyong Pepito.
Sigun pa man ki Nepomuceno, nagpakakan soboot ini sa mga evacuees siring man mayo man nalugadan o mga insidente na nangyari.
Kaogmahan pa man kan mga nag-ebakwar an pigtaong pigrilimang kilong bagas kada pamilya kan barangay council kan nasambitan ng barangay asin ini gikan man ki Congressman Gabby Bordado.
Mensahe man ni Nepomuceo sa saiyang mga ka-barangay na sa mga siring na kalamidad na makisumaro, makiiba orog na sa pag-ebekwar asin dae na makitagasan pa sa mga otoridad tangani man na magin safe an kagabsan.
