Aram baya nindo mga ka-bombo, sarong Swedish musician an nagtrabaho nin anom na bulan tanganing matrayumpong matukduan an sarong kugita o octupos na magtugtog nin piano.
Si Mattias Krantz, sarong YouTuber na kun saen an saiyang mga content an kadalasan nakasentro sa musical instruments, nag-post nin sarong video kun pano kaini pigtukduan an octopus na igwang pangarang si Takoyaki na magtugtog nin piano.
Sigun ki Krantz binakal kaini si Takoyaki, o Tako gikan sa sarong parasisira na Portuguese kan March.
Dugang pa kan YouTuber na inabot ini nin halawig na panahon tanganing makua an tiwala ni Tako partikular an pagtukdo sa pagtugtog nin piano.
Alagad sarong pag-uswag an nangyari kan Agosto kan si Krantz nagbugtak nin “crab elevator” sa tangke.
An aparato mababa nin sarong alimango, an paboritong kakanon ni Tako nin sadit na kantidad sa sarong tubo para sa lambang nota na pigtutugtog kan kugita.
Kasabay kaini, nagpuon naman na magtugtog kan saiyang gitara si Krantz tanganing makasabay sa tempo na ginigibo kan nasambitan ng kugita sa pagtugtog nin piano.
Mientrastanto, sigun man sa sarong Marine scientist si Tako igwang posibilidad na dae na-oogma sa musika si Tako kundi ginigibo sana kaini tanganing makua an minamawot na pagkakan.
