Pigkakarkulong 14,464 na mga kapulisan an piglalaoman na ide-deploy kan Manila Police District tanganing magbantay sa seguridad sa ikukundusir na rally kan Iglesia ni Cristo sa Manila.
An nasambitan ng religious rally piglalaomang ikukundusir sa Luneta sa maabot na Nobyembre 16 hasta 18 na posibleng aatenderan kan lampas sa 300k na mga indibidwal.
Sigun ki MPD Spokesman Police Major Philippines, ide-deploy ninda an mga nasambitan ng kapulisan sa Mendiola, Ayala Bridge, San Sebastian corner Recto, Legarda corner Figueras St, sa US Embassy, Liwasang Bonifacio, Quirino Grandstand, Malacañang Park asin Malacañang Palace asin iba pa.
Huli digde, pig-abisuhan na man kan pulisya an mga motorista na antabayanan an mga traffic advisories asin re-routing para sa marhay na pagbiyahe.
Mientrastanto, nakiulay man si Ines sa mga organizers kan nasambitan ng rally na bantayan an saindang grupo asin tabangan man an kapulisan tanganing dae ini mahaluan nin ibang huma.
Sa ngunyan an MPD mayong narereseber na huma sa seguridad sa ikukundusir na 3 aldae na protesta asin kun igwa man pigsierto ninda na ini an aaksyunan tolos.
