Andam na magtao an Department of Migrant Workers (DMW) nin mga kakaipuhanon na legal assistance kan mga naarestar na Overseas Filipino Workers (OFW’s) sa Qatar alinsunod sa direktiba ni Presidente Ferdinand Marcos Jr.
Sa sarong pahayag, ipinaliwanag ni Migrant Workers Secretary Hans Leo Cacdac na an nagin pagarestar kan mga otoridad sa Qatar sa mga OFW’s ay nagpuon huli sa pagsasagibo nin political action kan mga ini.
Pagirumdom ni Cacdac, nagkakanigo na sunudon asin man respetuhon kan mga OFW’s an mga ley kan saindang host country.
Kasunod kaini, pigsierto man ni Cacdac na matao nin legal assistance an saindang ahensya sa mga indibidwal na ini komo parte kan saindang pig sumpaang mandato.
Parte man kan nasambitan ng mandato na ini na ipatinir asin dae husgahan an mga nagin aksyon kan mga OFW’s asin mas tawan importansya na matawan nin proteksyon ang mga ini.
Mientrastanto, nanindugan man an DMW na dae ninda tutugutan asin pigsusuportaran an mga nagin aksyon na ini kan mga OFW’s asin man magin an nagin pagsuhay kan mga ini sa mga ley.
Pangapudan man kan sekretaryo na magin kalmado sa paghusga nin huli ta pwedeng makaapektar sa futuro kan saindang mga mahal sa buhay asin magin kan bilog na nasyon.
