Ganap ng ley an Ligtas Pinoy Centers Act and the Student Loan Payment Moratorium makalihis na pirmahan kasubagong aga ni Presidente Ferdinand Marcos Jr. sa Malacañang Palace.
An Ligtas Pinoy Centers Act nag-eestablisar nin sarong nationwide network para sa permanenteng, storm-resilient evacuation centers na dinisenyo tanganing malabanan an duros gikan sa bagyo na hasta 300 kilometros kada oras (kph) asin seismic activity na mapakol hasta sa magnitude 8.0. An mga nasambitan ng ligtas pinoy centers an kompleto sa mga kagamitan para sa mga natatadang mga kababayan.
Igwa ining mga istasyon kan pangangataman sa salud, mga pasilidad sa kalinigan asin mga probisyon para sa mga hayop, asin tatawan nin prayoridad an mga lugar na halangkaw an peligro asin marekas na magkaigwa nin kalamidad.
An nasambitan ng inisyatiba nangyayari mantang padagos an pagbuhat kan nasyon sa Severe Tropical Storm Kristine, na tinatawan nin duon an tulos na pagtugdok nin mga imprastraktura na matibay sa klima.
Mientrastanto, an Student Loan Payment Moratorium During Disasters and Emergencies Act nagtatao nin financial assistance sa mga estudyante sa mga lugar na pigdeklarar nin kalamidad.
An pagbayad kan mga pautang para sa mas halangkaw na edukasyon asin mga programa sa teknikal-bokasyonal na pagsasanay ipagpapauktaba sa panahon asin pagkatapos kan mga emerhensya, na nagtutugot sa mga apektadong estudyante na magpokus sa pagbawi asin sa saindang edukasyon.
An implementasyon kan mga bagong ley na ini papangenotan kan mga pangenot na ahensya kan gobyerno sa koordinasyon kan mga lokal na gobyerno, na magbubukas nin dalan para sa mas makusog na disaster resilience asin inclusive educational support sa bilog na nasyon.
