NAGA CITY– Pigklaro ngunian ni Lawyers for Commuters Safety and Protection founding President Atty. Ariel Inton an mga akusasyon na nagigin aktibo sana an Land Transportation Franchising and Regulatory Board (LTFRB) tuyong nagkakaigwa nin mga aksidente.
Ini katakod kan aksidenteng nangyari sa Occidental Mindoro kunsaen 19 indibidwal an nagadan mantang kadakol an nairidu.
Sa entrevista kan Bombo Radyo Naga ki Atty. Inton, sinaysay kaini na kapos sa manpower an LTFRB kung kaya dae kan mga ini nagigibo nin marhay an saindang trabaho.
Apwera digdi, igwa man soboot nin pigigibong prerogative action an ahensya sa manlaen laen na parte kan rehiyon.
Dugang pa kaini, tuyong peak season mas nagigin mahigot an pigigibong inspeksyon kan LTFRB sa mga operator kan bus para masierto an seguridad kan mga pasahero.
