NAGA CITY- Pupuonan na kan Land Transportation Franchising and Regulatory Board (LTFRB) an mahigot na pagdakop sa mga pampasaherong jeepney na dae nakapag-consolidate sa irarom kan Public Utility Vehicle Modernization Program.
Maikokonsederar kaya kan LTFRB na colorum an nasambitan ng mga jeepney makalihis na bigo sindang makapag-consolidate sa deadline kan Abril 30. Isasabay kan LTFRB an pagdakop sa pigkasang tolong aldaw na untok- pasada kan mga pampasaherong lunadan puon Hunyo 10-12.
Pigsaysay man ni LTFRB chairperson Teofilo Guadiz na magkakahilingan sinda sa tinampo asin dapat siertuhon kan mga driver na igwa sindang prankisa.Basado sa datos kan LTFRB na sa National Capital Region igwang 30,561 sa 49,593 an nakapag-consolidate na asin sa bilog na nasyon an igwang labi 81 percent kan mga pampasaherong lunadan an uyon sa Public Utility Vehicle Modernization Program.
