Nagluwas na nin magkasuhat na show cause order an Land Transportation Office (LTO) kontra sa mga driver na naimbwelto sa magkakasuhay na aksidente sa Quezon City asin Parañaque City.
Mantang sinuspinde man nin 90-aldaw an driver license kan mga nasambitan ng driver asin sinugo man na i-surrender an saindang mga driver license sa madaling panahon.
Sa ibong na parte, pigpatawan man kan LTO an mga lunadan na ginamit kan mga driver na Wing Van Truck asin UV Van komo under alarm tanganing malikayan an anuman na transaction kaini o liwat na paggamit sa mga ini.
Marurumduman na basado sa Police report na naguno kan LTO-Law Enforcement Service (LES), kan nakalihis na Disyembre 5, an wing van truck an nang-araro nin mga lunadan asin motorsiklo sa Katipunan flyover sa Quezon City na ikinagadan kan apat na katawo asin 25 na iba pang irido.
Mantang an UV Van an nakabangga man sa Parañaque City nin sarong motorista na tulos kaining ikinagadan asin lima pang nadamay na tawong irido kan nakalihis na Disyembre 6.
Katakod kaini, pigpasumitir man nin written explanation an truck driver kun tano dae soboot ini dapat patawan nin Reckless Driving asi kun tano dae dapat ma-suspinde o ma-revoked an saiyang lisensiya.
Kaiba man sa ipinagpaliwanag kan LTO an mga may kansadiri kan mga nasambitan ng lunadan kun tano dae dapat ini madamay sa nangyaring insidente.
