Nagsunad na nin show cause order an Land Transportation Office (LTO) sa 24 na mga truck owners na nagbabiyahe nin igwang worn-out tires.
Sigun ki LTO Chief Vigor Mendoza III, napag-araman kan saindang mga enforcers an padagos na pagbiyahe kan mga truck sa irarom kan mga operators na ini gamit an mga worn-out tires na iyong mahigot na ipinagbabawal kan pamayuhan.
Ini an dara kan nagin mandato kan LTO sa mga rehistradong truck owners na darahon an saindang mga truck sa ahensiya para sa sarong “Road Worthiness Inspection” na iyong mahigot na pigpapautob man kan LTO.
Mientrastanto, huli digde an pig-obliga na an mga operators na magsumiter kan sarong written asin notarized na paliwanag kun tano dae ini dapat masunadan nin kaso na nasa irarom kan pagbalgar sa Republic Act 4136 o an Land Transportation and Traffic Code.
Paliwanag man ni Mendoza, saro sana ini sa mga lakdang na pigpapautob kan LTO para sa mas ligtas na tinampo para man sa mga motorista asin komyuters.
