Nagdistansiya an Malacañang sa panibagong mga kasong pigsunad kontra ki Vice President Sara Duterte sa Office of the Ombudsman.
Sigun ki Palace Press Officer Undersecretary Claire Castro, dae ini napag-uulayan sa Palasyo.
Alagad bilog an tiwala ni Presidente Ferdinand Marcos Jr. sa kakayanan kan Ombudsman na gampanan an responsabilidad kaini.
Pigtawan duon pa ni Castro na naninindugan an Presidente sa paghahanap nin katotoohan asin kun igwang ebidensiya kontra sa siisay man na pig-aakusaran kan katiwalian, dapat ining imbestigaran.
Marurumduman, nagsunad nin kasong plunder, malversation, asin graft si dating Senador Antonio Trillanes IV asin an civil society group na The Silent Majority kontra ki Vice President Duterte.
Basado sa reklamo, an kaso an igwang kinaaraman sa soboot salang paggamit kan bilyon-bilyong pisong confidential funds asin iba pang pondo ng bayan.
