Presenteng nasa irarom na nin masusing pagsusuri an ratipikadong 2026 General Appropriations Act (GAA) makalihis na ini maresebir kan nakalihis na aldaw, Disyembre 29, 2025 kan Palasyo kan Malakanyang.
Sigun ki Executive Secretary Ralph Recto personal na pigsusuri kan Presidente asin kan saiyang gabinete an gabos kan alokasyon asin probisyon kan prosopwestong budget tanganing masierto an integridad kaini asin matukoy an mga pagbabagong ginibo gikan sa orihinal na National Expenditure Program (NEP).
Pigsierto kaini na hihingowahon kan gobyerno na an 2026 GAA an nagtalima bako sana sa mga legal asin teknikal na rekisito, kundi magin sa gabos na pangangaipuyan kan mamamayang Pilipino.
Piglalaomang matatapos an pagsusuri sa laog kan poco mas o menos sarong semana.
Pigsierto man ni Recto na dae maaantala an operasyon kan gobyerno enkaso paramientras na maggana ini sa iraraom kan reenacted budget.
Importante soboot an maingat na pagsusuri tanganing mamantinir an disiplina sa pananalapi asin masierto na an buwis kan taumbayan an nagagamit nin marhay asin igwang kapakinabangan sa publiko.
