NAGA CITY- Ikukundusir sa siyudad nin Naga an Mental Health Wellness na papartisiparan kan mga emplyedo kan City Hall.
Sa nagin paghampang sa mga kagawad kan media ni Naga City Mayor Leni Robredo, sinaysay kaini na antes pa man ining nagin alkalde kan siyudad, igwa nang programa an Angat buhay dapit sa mental health.
An nasambitan ng programa an i-aadaptar komo City program sa pakikipag-kooperar sa sarong eskwelahan sa Naga.
Obheto kaini na an gabos na mangangaipuhan nin Counselling an natatawan.
Sigun pa ki Robredo, igwang mga insidente na dae man mawot na mangyari kan gabos orog na an igwang kinaaraman sa hababang estado nin mental health kan sarong indibidwal.
PaliwanAag kan opisyal kaipuhan na matawan nin pansin an mental health kan sarong indibidwal huli ta basado sa mga nagluluwas na datos saro ini sa mga rason kan pagbungkras nin mga bakong marhay na pangyayari sa komunidad.
Dapat dae pigpapasipara sana an kamugtakan kan isip asin dae mag focus sana sa estado kan lawas kundi tawan prayoridad man an mental health.
Sa ngunyan, pigsierto na sana kan alkalde na padagos an saindang pagbilog nin mga programa na makakatabang sa gabos na mga Nagueños.
