Mga laog kan sako na nakua sa Taal, buto kan tao – PNP

Pigkumpirmar kan Philippine National Police na buto kan mga tawo ang mga nakuang nakasilid sa sako na pig-apon sa Taal lake sa Talisay, Batangas.

Sinaysay ni PNP Chief Gen. Nicolas Torre II, na ini an nagluwas sa inisyal na pagsisiyasat kan saindang mga eksperto sa PNP.

Dugang pa kaini na pwedeng igwang nakasalak man na buto kan mga hayop sa mga nadiskubre sa lugar.

Sa kabilogang limang sako na narekober gikan sa Taal lake, mahigot nindang pigsusuri an mga ini.

Dinara na an mga ini sa forensic group tanganing magsagibo nin cross-matching kan DNA samples sa mga nawawarang sabungero.

Sa presente, igwang 12 pamilya kan nawawarang sabungero an nagtao na kan DNA samples tanganing mai-crossmatch sa mga nadiskubreng buto.