NAGA CITY- Nakapagrehistro na nin nasa 20 kaso kan dengue an Naga City Health Office puon Enero hasta ngunyan na bulan kan Pebrero.
Katakod kaini, an igwang pinakahalangkaw na kaso iyo man an barangay San Felipe na igwang apat; an Calauag asin an Cararayan an igwang tig tolong kaso mantang an ibang mga lugar an tig duwa asin tigsaro an ibang lugar.
Ini an pigpaluwas na kan nasambitan ng opisina kun saen nasa recoverey period na soboot an pasyente makalihis na madara sa ospital asin matawan nin tolos na lunas orog na an mga kaakian asin mga senior citizen.
Sigun sa Naga City Health Office delikado an dengue huli ta igwang mga sintomasa ining puwedeng ikagadan kan pasyente siring kan nakalihis na taong 2023 na igwang tatlong pasytente na an binawian nin buhay.
Marurumduman, naglobo pa nin nasa 56% an mga kaso kan dengue sa Pilipinas sigun sa Department of Health (DOH).
Basado sa datos kan ahensiya naglangkaw na sa 43,732 kaso an nairehistro puon pa kan Enero hasta Pebrero 15 kan presenteng taon.
Sa ibong man kan nakakaalarmang pagsipa nin numero kan helang, pigsaysay kan ahensiya na mas hababa pa man an presenteng case fatality ratio na 0.38%, nagbaba ini sa 0.42% kan nakalihis na taon.
Katakod kaini, pinahigot naman kan DOH an dengue control measures kaini asin mahigot na nakikipagtabangan sa mga lokal na gobierno tanganing malabanan an outbreak kan dengue sa kadakaln kan mga apektadong rehiyon susog sa pangapudan ni Presidente Ferdinand Marcos Jr. para sa tolos na aksiyon.
