Nakapalibot sa sarong parking lot sa suburban Washington an ginatos na kawani kan gobyerno na naghahalat nin libreng pagkakan huli sa shutdown kan gobyerno kan US.
Sigun ki Diane Miller, simple sana an saindang problema, kaipuhan sana nin trabaho asin kaipuhan nin kwarta.
Magpuon Oktubre 1, an kadaklan sa mga kawani kan gobyerno an dae nakakaresiber kan suweldo huli na man sa budget impasse sa pag-ultanan kan mga Republikano asin Demokratiko na nagkawsa nin shutdown kan gobyerno.
Sigun sa mga report kan media, labi sa 600,000 kawani kan gobyerno an apektado kan shutdown. Sa bilog na nasyon, an mga kawani kan gobyerno an padagos na nagdudulok sa mga food bank asin charity para sa tabang.
Kan nakalihis na Miyerkules sa Washington, labi sa 310 kahon nin groceries na nagkakantidad nin $75 kada saro an naiheras sa laog kan mayo pang sarong oras.
Mantang padagos an shutdown, dae malikayang isipon kan mga apektadong kawani an mga maabot pang bulan nin taglipot magin an soboot mga papaabutong holidays
