NAGA CITY- Nagkundusir nin clearing operations an mga personahe kan Naga City Police Office sa pangengenot kan saindang City Director sa nagkapirang parte kan siyudad nin Naga.
Sa entrevista kan Bombo Radyo Naga ki PLTCol. Chester Pomar, tagapagtaram kan NCPO, sinaysay kaini na duwang beses nagsagibo kan nasambitan ng pagrilinig an mga personahe kan nasambitan ng hepatura puon aga hasta hapon.
Sigun ki Pomar, kaipuhan an pagtatarabangan nin huli sa makamundong sitwasyon orog na sa kasentruhan asin sa may parte kan merkado publiko.
Hasta kaya sa presente, nagtitinir na kadakol pa man giraray na basura an yaon sa mga gilid asin nagtitinir an mabataang parong na pwedeng makadanyar sa salud kan mga tawo. Dugang pa kan opisyal, nagpakol nin haros 100 na personahe kan saindang hepatura an nakisumaro sa nasambitan ng clearing operations.
Sa ngunyan, pigsierto na sana ni Pomar na padagos an saindang pagtabang para sa liwat na pagbuhat kan bilog na siyudad.
