Igwang dakulang posibilidad na aprobaran na kan Land Transportation Franchising Regulatory Board (LTFRB) an hirit na P1.00 na dugang na pamasahe sa mga pampasaherong lunadan.
Sigun ki LTFRB Chairman Atty. Teofilo Guadiz III, na posibleng sa masunod na semana pwedeng maipautob na ini.
Nahiling kaya kan ahensiya an semanahang paglangkaw kan presyo kan mga produktong petrolyo.
Paglilinaw pa kaini na flat-rate paramientras an singilan asin bako an kada kilometro tanganing dae magabatan an mga pasahero.
Pigtawan-duon kaini na an provisional increase an basado sa nagkapirang kondisyon kun an presyo kan gasolina an magpakol na nin $80 kada bareles kan Dubai oil.
Pwede man nindang tugotan an langkaw pamasahe sa mga provincial buses alagad pigsasapinal pa sana ninda an computations.
