Nagpasiring an Sarong grupo nin mga abogado sa pamamayo ni Atty. Marvin Aceron sa Korte Suprema tanganing magsangat nin petition for mandamus and certiorari sa Korte Suprema. Ini tangani na enkaminaron an sa Korte Suprema na suguon an Senate Blue Ribbon Committee na ipaluwas an draft report manungod sa imbestigasyon sa anomalya sa flood control project.
Segun kay Atty. Aceron, tama sana na iluwas an draft report kan komite kan Senado dawa may mga nagbawi na nin mga pirma.
Segun kay Atty. Aceron, tama sana na iluwas an draft report kan komite kan Senado dawa ngani may mga nagbawi na nin pirma kaini.
Sinaysay pa kaini, igwa nin deretso an lambang namamanwaan kan nasyon na maaraman an resulta kan imbestigasyon kan Senate Blue Ribbon Committee orog na mahiling an transparency asin masierto na mayo nin pigtatago.
Pag-esplikar ni Aceron, dae pwedeng basta-basta itago an nasabing resulta kan imbestigasyon urog na ini an magigin basehan na talagang mayu nin pigkikilingan asin nagtatago an mga senador.
Naglalaom an grupo ni Aceron na paboran kan Korte Suprema an saindang kahagadan huli ta an lambang Pilipino may karapatan na maaraman an trabahong ginibo kan Senado sa lakop na anomalya sa flood control project na ginamit an pondo kan publiko.
