Mahahampang sa manlaen-laen na kaso an mga indibidwal na nagtago ki Pastor Apollo Quiboloy tanganing dae tulos madakop kan mga awtoridad.
Sigun sa Police Regional Office 11 Director, PBGen. Nicolas Torre III, pigpipinal na ninda ngunyan an listahan kan mga imbwelto.
Base sa datos, posibleng maabot sa 10 indibidwal an nasa likod kan pag-shelter kan dulag na pastor kaidto.
Kabali sa mga kasong hahampangon ninda iyo an mga kaso nin inciting to sedition asin conspiracy to commit inciting to sedition.
Dawa ngani mayo pa nin pigpapaluwas na mga pangaran, sinabi ni Torre na an nagkapira sa mga ini midbid na marhay na mga indibidwal.
Kun marumduman, mismong PNP Chief na si PGen. Sinugo ni Rommel Francisco Marbil an CIDG asin Anti-Cybercrime Group na magbilog nin Special Composite Team tanganing makabilog nin makusog na kaso na isasangat laban sa mga nag-shelter ki Quiboloy.
