Ibinida ni President Ferdinand Marcos Jr., kan nakalihis na Sadabo an mga presenteng proyekto kan gobyerno asin pribadong sektor sa pag-upgrade kan mga palupadan makalihis an pagpapasinayan sa pinakabagong eroplano kan Philippine Airlines (PAL), an Airbus A350-1000.
Sigun ki Marcos Jr., pirang provincial airports an presenteng isinairarom sa construction asin modernization projects.
Kaibahan digde an modular passenger terminal building (PTB) sa Siargao Airport sa Surigao del Norte, asin bagong international PTB sa Davao International Airport.
Ginibo kan Presidente an pahayag kasabay kan 85th anniversary ng Philippine Airlines sa sa Villamor Air.
Padagos man soboot an public-private partnership upgrades sa Laguindingan Airport sa Misamis Oriental, Bohol-Panglao Airport, asin Caticlan Airport sa Aklan.
Kaibahan man sa modernization an Manila International Airport kun saen piglunsar kan nakalihis na Disyembre 2025 an mga bagong pasilidad asin immigration e-gates tanganing maparekas an serbisyo.
Pinagtibay kan Presidente an promesa kan saiyang administrasyon sa pagpapakusog kan connectivity, modernizing airports, asin pagpapauswag kan ekonomiya, asin pig-enkaminar an mga pribadong katuwang na padagos na suportaran an aviation-centered initiatives.
Pig-omaw ni Marcos an Philippine Airlines sa saindang kontribusyon sa industriya kan aviation sa nasyon.
Binanggit kaini na an A350-1000 an enot sa siring na klase sa Southeast Asia asin pang-10 sana sa bilog na kinaban, asin an paglunsar kaini an mabukas nin panibagong oportunidad para sa long-haul travel.
