Target kan Department of Agriculture (DA) na an pagpapabakal kan P20 kada kilo kan bagas an hasta 2028.
Ini an kasunod kan direktiba ni Presidente Ferdinand Marcos Jr sa ahensiya na gibuhong panghaluyan an bentahan kan baratong bagas.
Sigun ki Agriculture Secretary Francisco Tiu Laurel Jr na sa inisyal na plano, hasta Disyembre kan taon na ini an gigibuhon nindang bentahan kan baratong bagas o pwede pang palawigon hasta Pebrero sa masunod na taon.
Sinaysay ni Laurel, napagkasunduan sa ginibong pag-urulay kasuodma, Abril 23 kaibahan an Presidente na 10 kilos kan baratong bagas kada semana an pwedeng mabakal kan mga taga Visayas o 40 kilos kada bulan.
Napagdesisyonan soboot na sa Visayas ipautob an pilot implementation kan programa huli ta digde mas kadakol na nangangaipuhan kan baratong bagas.
Sigun sa sekretaryo sa kalaunan, gigubuhon na sa bilog na nasyon an bentahan kan 20 pesos kada kilo kan bagas.
Pigsisierto man ni Laurel na igwang sindang bastanteng stocks o imbak na bagas sa visayas region, kaibahan na sa Iloilo CitySa kabilogan soboot, igwang 358,000 toneladang bagas an yaon sa manlaen-laen nindang warehouse na kaipuhan na man maipaluwas huli ta panahon na ngunyan kan anihan.
