Pinangenotan ni Presidente Ferdinand R. Marcos Jr. an pagkomerar kan ika-80 anibersaryo kan kalayaan ng Maynila sa Manila American Cemetery and Memorial sa siyudad kan Taguig.
Nagtiripon man sa aktibidad an mga kinatawan gikan sa gobyerno kan Estados Unidos, mga bistadong personalidad gikan sa Pilipinas, asin mga beterano kan World War II tanganing tawan onra an mga nagbuwis nin buhay sa saro sa mga pinakamatinding labanan sa historya kan Pilipinas.
An “Battle in Manila” kan nakalihis na Pebrero 1945, nagmarka nin pagtatapos kan pananakop kan mga Hapon sa Pilipinas alagad nagdara nin matinding danyos.
Ribu-ribong sibilyang Pilipino, siring man an mga soldados na Amerikano asin Hapon, an mga binawian nin buhay sa labanan na nagwalat kan dating masiglang kabisera sa pagkaraot.
An mga makasaysayang lugar siring kan mga simbahan, eskwelahan, asin mga establisyemento an naraot, asin an bilog na komunidad an nawaran nin istaran.
An Manila American Cemetery an huring hantugangan kan labi sa 17,000 miyembros kan serbisyo kan Amerikano asin memorial sa haros 36,300 na indibidwal na nawawara sa labanan.
Kaibahan sa mga pigtawan onra an mga natawan nin Medal of Honor, mga Pilipinong kawal, asin mga pamilyang magkaibang nagserbi sa labanan.
Mantang pigkomerar kan nasyon an makasaysayang kaganapan na ini, an paggiromdom an nagsisirbing pahiwatig kan mga sakripisyon ginibo para sa kalayaan asin an panghaluyan na epekto kan giyera sa historya kan nasyon.
