NAGA CITY-Napabali an Pilipinas sa mga nasyong pangenot nin nagbabakal nin mga aircraft asin iba pang defense equipment gikan sa Estados Unidos.
Ini basado sa datos gikan kan Abril 2023 hasta Marso 2024.
Sa laog kan nasambitang peryodo, nag-abot sa kabilugang $348.6 million an aircraft asin defense export kan Estados Unidos sa Pilipinas.
Ini pan-17 sa kabilugang listahan kan mga nasyong pangenot na nagbabakal nin mga armas asin sasakyang panghimpapawid sa Estados Unidos.
Basado pa sa datos kan US Department of Commerce’s Industry and Analysis-Aerospace Office asin US Commercial Service, nakapagpabakal an Estados Unidos nin kabilugang $282.4 million na kantidad nin mga civil aircraft asin mga parte kaini.
An natatadang $66.2 million pigbakal man nin iba pang defense equipment.
