Nahahampang sa matinding batikos an Department of Health (DOH) makalihis na magluwas an mga dokumentong nagpapahiling na an pinakadakulang alokasyon kan Medical Assistance to Indigent Patients (MAIP) sa prosopwestong 2026 budget an napasiring soboot ki Senator Bong Go.
Basado sa impormasyon, nag-leak soboot an dokumento gikan sa opisina ni DOH Undersecretary Elmer Punzalan, nakasaysay sa mga annexes kan DOH budget an mga MAIP allocation para sa mga senador komo parte kan budget amendments.
Sa nasambitan ng listahan, si Senador Go soboot an nakakua kan pinakadakulang parte kan pondo na nagkakantidad nin ₱300,000,000 million, na sinundan soboot ni Senate President Tito Sotto na may ₱200,000,000 million.
An pagtatagamang ini an direktang nagsasalungat sa bagong polisiya kan gobyerno na mahigot na nagbabawal sa pagkokonektar kan MAIP sa mga politiko.
Obheto kan nasambitan ng pagbabawal na likayan an “patronage politics” asin masierto na an tabang medikal an diretso sa mga nangangaipuhan nin mayong bahid kan politika.
Si Senator Go, bistadong kaalyado ni dating Presidente Rodrigo Duterte.
Marurumdumang nagpahayag na si DOH Undersecretary Albert Domingo na an pondo kan MAIP an dapat sanang i-download sa mga ospital na pigpapadalagan kan lokal na gobyerno.
Mientrastanto, dae pa nagtataong pahayag an Department of Health (DOH) dapit sa nasambitan ng isyu asin magin an opisina ni Senator Bong Go.
