Ipapautob kan Philippine National Police (PNP) an recalibrated approach sa saindang kampanya kontra iligal na droga sa nasyon.
Sigun ki PNP Chief Gen. Rommel Francisco Marbil, obheto kaini na tutukan an mga source asin supply chain o an mga high-value drug personalities, imbes na an mga sararadit na pusher asin user.
Nagtutubod si Marbil na mas epektibo an siring na istratehiya na magpupokus sa ugat kan problema sa paagi kan less-bloody drug war campaign.
Kaiba sa bagong istratehiya an mas pinaigting na intelligence operations asin mas pinakusog na ugnayan sa komunidad.
Napag-araman na puon Hulyo 1, 2022 hasta Hulyo 31, 2024, nakasabat na an PNP nin mapakol sa P36.5B kantidad kan ipinagbabawal na bulong gikan sa wala-tuong drug related operations.
