Nakatutok ngunyan an imbestigasyon kan Philippine National Police (PNP) sa pagkakabisto kan hitman na pigkontak ni Bise Presidente Sara Duterte, na saiyang pigsugo na gadanon si Presidente Ferdinand Bongbong Marcos Jr., 1st Lady Liza Marcos asin House Speaker Martin Romualdez enkaso enot soboot siya na pagadanon.
Marurumdoman na nagpaluwas nin magagabat na tataramon an Bise Presidente kan magsagibo ini nin virtual media briefing kan nakalihis na aldaw nin Sabado, Nobyembre 23.
Alagad segun ki Duterte, bako ining direktang banta huli sa siring kan saiyang pigsabi,na huhukayon kaini an bangkay kan yumaong dating dating Presidente Ferdinand Marcos Sr. asin ipaapon sa West Philippine Sea, dai dae buot sabihon na pigsabi kaining aktwal na gigibuhon kaini.
Mientrastanto, pigsalinaw ni CIDG Director PBGen Nicholas Torre III na an direktiba ni PNP Chief Gen. Si Rommel Francisco Marbil an maimbestigar kan insidente asin bako an Bise Presidente.
Sa ngonian, segun ki Torre, nagpopoon na an CIDG kan saindang motu propio investigation sa nasambitan ng insidente
