Mahigot na pigkontra kan Philippine National Police an naenot na pahayag ni dating Presidente Rodrigo Duterte na mayong pulis suboot na napabayaan sa irarom kan saiyang nakalihis administrasyon.
An mga pulis na nabisto kan dating presidente kabale sa mga operasyon kontra iligal na droga sa irarom kan war on drugs. Segun sa Philippine National Police, bakong totoo an sinabi ni Duterte basado sa datos na saindang naitala.
Sa katunayan, susog sa datos kan Directorate for Personnel and Records Management, labi sa 1,000 na pulis an naatubang sa mga kaso na isinangat kontra sa sainda huli sa pagsunod sana sa mandato.
Maabot man sa 975 na pulis an nalugadan sa nangyaring operasyon, mantang 300 na pulis an kinasuhan huli sa saindang pagkakaimbwelto sa mga soboot iregularidad.
Enot naman na nangapudan si PNP Chief, Police General Rommel Francisco Marbil nin suporta para sa mga kapulisan na nadidipisilan na atubangon an saindang mga kaso na igwa nin kinaaraman sa war on drugs kan administrasyon ni Duterte.
Segun sa hepe kan PNP Public Information Office, si Police Brig. Gen. Jean Fajardo, kadaklan sa mga ini nangangaipo nin legal na suporta o abogado tangani na maiabante an kaso.
Sa pag-atubang kan dating presidente sa ika-11 hearing kan Quad Committee sa Kamara, pigsaysay kaini na dae dapat tubodon an mga pahayag na ginibo kan presenteng hepe kan national police.
