NAGA CITY- Liwat giraray pinagirumduman kan Public Safety Office-Naga an publiko orog na an mga nagmamaneho nin mga e-bike na bawal magkua o magpick-up nin pasahero.
Sa nagin paghampang sa mga kagawad kan media ni Renne Gumba, PSO-Head, sinaysay kaini na padagos an pagbabantay kan City Government katabang an Land Transportation Office sa mga e-bike na nagbabalgar sa panundunan o ordinansa na pigpapautob sa siyudad.
Sigun pa ki Gumba, apwera sa pagbabantay sa mga ini na dae magpalunad nin pasahero, kinakaipuhan man na an driver an igwang lisensiya asin igwang registration.
Dugang pa kan opisyal,personal sana dapat na ginagamit an mga e bike nin huli ta short range sana an layang dalaganon kaini kun kaya pigbabawal sa mga hararayong distansya orog na an darahon sa mga highway asin ipasada.
Katakod kaini, nasa P3000 an multa sa mga madadakop na mapasadang ebike. Pigtawan duon pa ni Gumba na nakakaapektar sa mga igwang prankisa asin haloy ng nagpipilang jeep asin pedicab kun tutugutan an pagpasada kan mga e-bike.
Sa ngunyan, enkaso igwang nahiling na e-bike driver na nagkukua nin pasahero an tolos soboot na kuanan nin ladawan asin isuplong sa saindang opisina.
