NAGA CITY – Pigpalikay kan PNP Cybercrime unit sa Camaries Sur an publiko ngunyan na papaabuton na kapaskuhan huli man sa mga scam sa e-wallet asin social media.
Sa entrevista kan Bombo Radyo Naga ki PCPT Angelo Babagay kan PNP Cybercrime unit, pigsaysay kaini na kalimitan soboot nagbabarakal online an mga tawo nin panregalo na kun saen an iba an nabibiktima kan mga scammer.Katakod dige, an mga nasambitan ng biktima an kalimitan na nagrereport sa otoridad sa bulan kan Enero.
Dugang pa kan opisyal, an mga klase kan scam na pwedeng maeksperyensiyahan ngunyan na papaabuton na pasko, iyo an pag-abot nin mga parcel sa harong maski na ngani dae man soboot nag-order an biktima, asin man kun minsan igwang naglalaog na amount sa mga account siring kan gcash na piglaoman kan biktima na para talaga sa saiya alagad igwa na sanang maabot na message na nagsasaysay na ibalik an saindang kwarta.
Huli kaini, pangapudan man ni Babagay sa publiko, na magbakal nin mga gamit sa mga lehitimong online shop asin bako sa kun saen saen sana, maghiling kan mga reviews asin comments sa nasambitan ng shop.
Pigtawan-duon pa kan opisyal na kaipuhan magin observant an publiko asin kun pwede mas marhay na gibuhon na sana an cash on delivery kun mabakal online tanganing mas magin salbado.
