NAGA CITY- Pigtutugutan kan pamayuhan kan Naga City People’s Mall an mga seasonal vendors ngunyan na Semana Santa.
Sa entrevista kan Bombo Radyo Naga ki Nepthali Pabines, Market Supervisor IV kan Market Enterprise and Promotions Office, sinaysay kaini na mapuon ngunyan na aldaw, Abril 16, 2025 an pagtienda kan mga seasonal vendors partikularmente na an mga flower vendors sa mga open spaces o mga area na pig-disignar sa sainda.
Sigun ki Pabines, madurar ini hasta sa aldaw nin Domingo o Easter Sunday.
Katakod kaini, maogma man na pigheras kan opisyal na pighewasan an pwesto kan mga seasonal vendors tanganing makabwelo sa saindang mga pigpapabakal na mga produkto.
Dugang pa ni Pabines, igwa man mga vendors na gikan sa laog kan merkado publiko an nagpwe-pwesto sa luwas tanganing mas magdakol pa an kita orog na ta piglalaoman an bulos kan mga tawo sa pag-obserbar kan Semana Santa, apwera sa saindang market na iyo man an mga simbahan.
Mientrastanto, pigsaysay man kan opisyal na nanutaran an paglangkaw sa presyo kan sira asin karne kasabay kan Holy Week.
Ini an maikokonsederar soboot na natural sana nin huli ta tuyong Seman Santa naglalangkaw man an demand kan sira. Sa ngunyan, hagad na sana kaini sa gabos na mga vendors na padagos na magsunod sa piglatag na panundunan tanganing dae magkaproblema.
