Kinumpirma ni Senate President Pro-Tempore asin Acting Senate President Sherwin Gatchalian na mabwelta an sesyon kan Senado ngunyan na Lunes, Hunyo 15, 2026, sa ibong kan padagos na isyu sa liderato kan Mataas na Kapulungan.
Segun ki Gatchalian, matiner na mas istrikto an ipapautob na seguridad sa Senado, kasabay kan “no visitor policy” komo parte kan mga precautionary measures huli suboot banta sa seguridad na inireport kan National Bureau of Investigation.
Enot nang nagpaluwas nin memorandum an opisina ni Gatchalian kan Hunyo 9 para sa pagpautob nin mas mahigpit na security protocols. Alagad, dae pa malinaw kun anong klase nin pagtitipon ang gigibuhon sa nasambit na petsa,huli ta mayu pang detalyeng ipinaluwas kun ini ba regular session, organizational meeting, committee hearing, o iba pang special proceeding.Kasabay kaini, nagtitiner pa an hidwaan sa liderato kan Senado.
Segun ki Senator Alan Peter Cayetano, sapat suboot an 13 boto kan mga senador tanganing ma-validate an eleksyon kan Senate President, mantang padagos na pinagdidiskusyunan an proseso kan pamamayo sa Mataas na Kapulungan.Huli digdi, naggtitiner na palaisipan sa publiko kun pano eksaktong matrabaho an Senado sa saindang pagbwelta ngunyan na aldaw.
