Pag-aadalang marhay kan Presidential Communications Office (PCO) an posibilidad na magbilog nin sarong regulatory body tangani i- monitor asin surion an social media content sa obhetong simbagaan an naglolobong problema nin fake news.
Pigsaysay ni PCO Acting Secretary Jay Ruiz na nagpapadagos na an pag-uulay katakod sa potensiyal na pagkriar nin sarong social media regulatory body.
Pigparehas man ni Ruiz an regulasyon kan social media sa regulasyon kan traditional media, partikularmente na tinukoy an papel kan Movie and Television Review and Classification Board na namamayo sa films asin television broadcasts.
Pigtawan duon ni Ruiz na nakatuon an pansin kan gobyerno sa paglaban sa fake news.
Sigun sa saiya, posible ining mag-resort sa legal remedies enkaso man an fake news asin disinformation an nakapagkawsa nin pagbabanta sa national security.
Mientrastanto, para man ki Presidential Communications Office Undersecretary Claire Castro, sinabi kaini na dapat makipag-koordinar asin makipagtabangan man an PCO sa mga lehislador kan mababang Kapulungan kan Kongreso nin huli ta an mga ini man soboot an magibo nin ley dapit sa nasambitan Ng isyu.
Dugang pa ni Castro, nagtutubod soboot ini na na napapanahon an pagkriar nin social media regulatory body.
An pagkakaigwa kaya kan nasambitan ng regulatory body, na suhay para sa social media ay napapanahon man tangani malikayan an mga pang-aabuso.
Sa paagi man kaini, maaraman kan gabos an kada saro kun talagang sarong content creator ini, vlogger, blogger, magin an pagkakabistuhan asin man dae matago sa mga pig aapod na dummy accounts.
