Ipinahayag ni Senate President Vicente “Tito” Sotto III ngunyan na domingo na saiyang hahagadon ki Presidente Ferdinand Marcos Jr.,na i-certify komo urgent an Senate Bill 1215 o an prosopwestong ley para sa Independent People’s Commission (IPC) tanganing maparekas an pag-aprobar kaini.
Sigun ki Sotto, obheto kan bill na gibuhong permanenteng ley an nag-iiral na executive order kan Presidente na nagtatatag kan IPC.
pa kan senador na bako sanang proyekto kan Department of Public Works and Highways (DPWH) an susurion kan IPC, kundi pati na an mga programa kan iba pang ahensiya siring kan Department of Agriculture, Department of Health, Department of Education, asin iba pa.
Napag-araman na nakasaysay sa prosopwesto na magkakaigwa an IPC nin mahewasang imbestigasyon sa gabos kan naireport na anomalya siring kan korapsiyon, ghost projects, overpricing, asin paggamit kan bakong kalidad na materyales sa mga proyekto kan national government, local government units, asin mga government-owned corporations.
Pigtawan man an IPC nin kapangyarihan na araman an mga imbwelto gikan sa pampubliko o pribadong sektor asin magrekomendar nin mga kasong kriminal, sibil o administratibo kontra sa mga mapapatotoohang igwang sala.
