Pigsierto ni Speaker Ferdinand Martin Romualdez na bilog an suportang pigtatao kan House of Representative sa Kampanya ni Presidente Ferdinand “Bongbong” Marcos Jr. para sa pagpapanimbag sa tahaw kan mga alegasyon kan iregularidad sa mga proyektong pang-imprastraktura.
Sigun sa lider kan Kamara, an pagiromdom kan Presidente an dapat magsirbing prinsipyo sa gabos kan ahensiya kan gobyerno na obhetong ibweltada an tiwala kan publiko.
Hurot ni Romualdez, bilog an suporta kaini sa pahayag ni Presidente Marcos Jr., na mayong sisay man an exempted sa pagpapanimbag.
Haloy na soboot ining pigbubusol kan Kamara sa saindang paghihingowa na mamantinir an transparency asin maibweltada an tiwala kan publiko.
Pigtawan-duon kan Speaker na an mga imbestigasyon an dapat nakabase sa ebidensiya, asin bakong sa haka-haka o tsismis.Liwat na pighurot ni Speaker Romualdez na dae magigin kanlungan kan katiwalian an Kamara, maski pa miyembro kaini an imbwelto.
An pagbilog soboot kan Independent Commission for Infrastructure an sarong importanteng lakdang tanganing linigon an Sistema, asin nagpromesang makikipagtabangan nin bilog an Kamara.
Kasabay kaini, binanggit ni Speaker Romualdez na pupuonan na kan mga komite kan Kamara an pagsusuri sa mga panundonan sa procurement asin pagsubaybay sa implementasyon kan mga proyekto tanganing malikayan an mga labot asin mapakusog an oversight.
