Pwedeng nalikayan an pauru-utrong flash floods asin mapamarhay an irigasyon, suplay kan tubig asin access kan mga kaharongan sa malinig na tubig kun pakarhay na naisagibo an mga proyekto kan gobyerno.
Ini an pigtawan-duon ni Presidente Ferdinand Marcos Jr. kan ibunyag an mga pasiway na mga kontratista makalihis na matuklasan an sarong “ghost” flood control project sa Bulacan, asin nagin dejavu na man kan mag-uran nin makusog asin bahaon an mga kalye kan Metro Manila asin mga kataid na lugar.
Ipinunto ni Presidente Marcos an importansiya kan pagpapautob kan mga naka planong proyekto.
Sigun sa Presidente kun gabos na proyekto an marhay na naipautob dakula soboot kudta na an nawara na problema kan gobyerno asin saka sa taumbayan.
Kan nakalihis na Biyernes, liwat na man nakaeksperyensiya nin flash floods asin makusog na bulos kan uran an Metro Manila na nagin rason sa pagsuspindi kan trabaho asin pagkanselar kan klase siring man an naeksperyensiyahang magabat na trapiko.
Kan nakalihis na semana, ininspeksiyon ni PBBM an nagkapirang flood control projects sa Bulacan kun saen saiyang natuklasan an nagkapirang ghost project na naireport sa Sumbong sa Pangulo website.
Huli digde ipinagsugo kan Presidente an pag-blacklist asin pagsusunad nin kasong graft asin economic sabotage asin falsification of public documents an mga imbweltong kontratista.
