Mas pinahigot pa kan mga kapulisan an saindang seguridad sa mga eskwelahan asin religious buildings sa Washington, US capital makalihis an nangyaring pambabadil sa duwang Israeli embassy staff luwas kan Jewish museum.
Marurumduman, an 31-anyos na lalaki na gikan sa Chicago na iyo man an suspek nagkurahaw kan”Free Palestine” mantang pig-aarestrar kan mga otoridad.
Padagos na pigkakahaditan an paglangkaw kan anti-Semitism puon kan kubkubon kan Israel an Gaza makalihis an October 2023 Hamas attack.
An mga otoridad man sa Washington pigsaysay na saindang pig-iimbestigaran an insidente komo act of terrorism asin hate crime antes pa man an preliminary court hearing na pigtalaan para sa suspek na binistong si Elias Rodriguez sa June 18.
Mientrastanto, sa pakikipag-ulay man ni US President Donald Trump ki Israel’s Prime Minister Benjamin Netanyahu an insidente an maikokonsederar na anti-Semitic.
Sa ngunyan, padagos an mahigot na pagbabantay sa lugar tanganing malikayan an siring na insidente
