PIGBATIKOS ninda US Vice President JD Vance asin Secretary of State Marco Rubio an nagin lakdang kan Israel Parliament dapit sa pag-angkin sa West Bank.
Inaprubahan soboot kan mga lahislador kan Israel an prosopwestong ley na parte na ninda an West Bank.
An West Bank haloy ng pag-sadiri kan Palestine komo parte ninda sa independent state. Pigsaysay ni Vance na sarong “stupid political stunt” an nasambitan ng lakdang.
Mantang sigun ki Rubio na an ginibo kan Israel an maraot sa plano ni US President Donald Trump na tapuson an giyera sa Gaza. Dae man ini nakabugtak sa ceasefire agreement na pigbubusol ni Trump.
Pigpahimutikan man ni Israeli Prime Minister Benjamin Netanyahu na aprubado kaini an lakdang kun sae ini soboot an gibo kan mga oposition group sa parliyamento.
Piglinaw kan Israeli Prime Minister na an saiyang right-wing Likud party asin ultra-Orthodox coalition dae nagboto sa nasambitan ng prosopwestong ley.
