Dae malikayan ni Vice President Sara Duterte na batikuson si House Speaker Martin Romualdez.
Sinaysay kaini na malinaw an katuyohan kan mga lehisladior sa House of Representatives na gabaon an reputasyon kaini tanganing dae makadalagan sa pagkapresidente sa 2028.
Pigbuyagyag man kaini an soboot mga iligal na aktibidad ni Romualdez. Nanindogan an Bise Presidente na malabong manggana si Romualdez sa pagkapresidente maski na anong gibuhon na pangraraot sa saiya.
Mientrastanto, nagtutubod si Vice President Sara Duterte na dae na mapundo an panggigipit asin soboot pag-atake sa saiya ngunyan hasta sa 2028 elections.
Sigun ki Duterte, kan nagbisita ini ki former Senate President Manny Villar, pinaintindi kaini sa saiya na nangengenot ini sa Presidential race para sa taong 2028. Ini man soboot an ikinahahandal ni VP Duterte na baka dae ini untokan kan mga pag-atake sa saiya sa masunod na 4 pa na presidential elections.
Enot na digdi, pirang bes naman pigbatikos kan bise presidente an mga kongresista na nag-iimbestigar sa saiyang confidential funds na malinaw an tuyo ninda na pamumulitika sana.
