Dae pa pigkukumpirmar kan Department of Justice (DOJ) kun igwang arrest warrant kan iniluwas kontra ki Senator Bato Dela Rosa.
Kasunod ini kan sinaysay ni dating Presidential Spokesperson Atty. Harry Roque sa saiyang social media post na pinag-iingat an senador huli ta igwang warrant na ini gikan sa sa International Criminal Court (ICC).
Pinatanidan ni Roque si Dela Rosa na dae soboot magpa-kidnap asin hurot na igwang karapatan muna ining darahon sa korte sa Pilipinas.
Antes iyan, nanindugan si Ombudsman Jesus Crispin Remulla na igwang warrant na ki Sen. Bato.
Mantang kan nakalihis na bulan kan magrani an kampo ni Dela Rosa sa Korte Suprema tanganing suguon si Remulla na iluwas an kopya alagad dae ini tinugotan.
Dawit si Dela Rosa sa kaso ni dating Presidente Rodrigo Duterte sa ICC huli ta saro ini sa nagin tagapagpautob kan war on drugs.
