Aram baya nindo mga ka-Bombo, slolong nakua an labi P3 billion kan sarong 35-anyos na Pilipinong migrante sa Canada makalihis ining magtaya sa Lotto Max.
Ini na ang pinakadakulang premyo sa historya kan British Columbia asin pinakadakulang solong jackpot na napangganahan sa bilog na Canada, sigun sa British Columbia Lottery Corporation (BCLC).
Pigbisto na nakakua kan 80 milyong Canadian dollars o poco mas o menus P3.19 bilyon sa Lotto Max na si Justin Simporios, residente kan Surrey sa British Columbia.
Ini an solong nanggana sa Lotto Max draw kan Mayo 9, 2025 makalihis kaining makua an winning numbers na 06-10-16-17-30-38-48.
Estorya ni Simporios, naggamit pa soboot ini nin flashlight mantang pigdadalan tsine-check an saiyang lotto ticket.
Kinabukasan, nag-resign soboot ini sa trabaho asin nagpuon na maglista kan mga tawong plano kaining tabangan kabali na an saiyang ina na mawot kaining magretiro.
Babayadan man soboot kaini an gabos nin utang kan tugang kaini sa med school, asin tatabangan man an pamilya kan saiyang agom.
Plano pa soboot kaini na darhon sa Pilipinas an agom asin aki sa enot na pagkakataon.
