Sinayumahan kan korte sa South Korea an kahagadan kan special prosecutor na mag-isyu nin warrant of arrest kontra ki dating SoKor president Yoon Suk Yeol katakod kan saiyang pagporbar na magdeklarar nin martial law kan nakalihis na bulan nin Disyembre.
Sigun sa mga abugado ni Yoon, an special prosecutor, nag-akusar sa dating Presidente nin “obstruction” makalihis kaining magsayumang magsimbag sa mga imbitar para sa interrogation.
Kinuwestion man kan legal team ni Yoon an imbestigasyon, asin sinabing saro na ining “political motive.” Siringpaman, sinabi kan saiyang mga abogado na masimbag si Yoon sa masunod na pag imbitar asin mapahiling para sa interrogation na isasagibo sa Sabado.
Inihayag man kan mga prosecutor na masagibo sinda nin panibagong warrant kun dae magpahiling si Yoon.
Marurumdumang naaatubang si Yoon nin mga kasong insurrecion asin ibang krimen katakod kan pagde-deklarar kaini nin martial law, na posibleng magresulta sa habambuhay na pagkakarsel o padusang kagadanan.
Napagaraman na an imbestigasyon na pinangenutan kan bagong special prosecutor an itinalaga ni President-elect Lee Jae-myung.
Mientrastanto, ipinagsugo kan hukuman an pagpapalawig kan detention kan dating defense secretary na si Kim Yong-hyun, saro sa mga nagplano soboot kan martial law.
