Naghatod nin makasaysayang kapangganahan sinda Alexandra “Alex Eala” kan Pilipinas asin Iva Jovic kan Estados Unidos makalihis na daugon an mga batikang parakawat na sinda Venus Williams asin Elina Svitolina sa doubles match kan ASB Classic 2026, Auckland, New Zealand.
Sa score na 7-6 (7), 6-1, pinatunayang preparado an duwang kabataang tennis stars na makipagsabayan sa mga beteranang kalaban.
Si Eala, 20 anyos asin presenteng nasa World No. 53, an padagos na nag-aangat sa ranggo makalihis an matrayumpong kampaniya kan 2025 kun saen nakalaog ini sa ikatolong round kan US Open.
Mientrastanto, si Jovic na 18-anyos asin World No. 35, an saro mang rising star na nabistado sa saiyang matatag na performance sa junior circuit.
An saindang kapangganahan an nagtaong dalan sa quarterfinals na doubles event, na nagsirbing makusog na puon para sa saindang 2026 season.
Si Williams, dating World No.1 asin igwang pitong Grand Slam titles, asin si Svitolina, presenteng World No.14, an pigkokonsiderar na magagabat na kalaban, kaya orog na nagin makabuluhan an trayumpo kan duo.
Sigun sa mga analyst, an kapangganahan kontra sa mga bistadong pangaran an matao nin kumpiyansa ki Eala sa saiyang pagpepreparar para sa Australian Open 2026.
Sa kabilogan, an saindang trayumpo an simbolo kan bagong henerasyon kan mga parakawat na preparadong mangenot sa pangkinabang tennis.
BUSINESS
