Nagtao nin pagsaludo si 4th District Representative Cong. Arnie Fuentebella sa sarong pulis kan partido na naputulan kamot huli sa pag-utob sa saiyang katungdan komo alagad ng batas.
Segun sa post sa social media account kan opisyal , sa ipinaheling na kabayanihan ni PSSg Noli M. Miraña kan San Jose Municipal Police Station sa pag-otob kan saiyang mandato na masiertong salbado, matrangkilo asin matuninong an komunidad asin protektado an publiko ikinaoorgulyo kan distrito asin kan mga lingkod bayan.
“I truly admire your bravery” segun sa Congresista.
Nakikisumaro man ini sa pagpangadyi para sa tulos na kaumayan kan biktima.
Nagpasalamat man an opisyal sa mga PNP personnel na nakaibahan ni PSSg. Miraña sa pagresponde asin sa pagmantenir kan pase orden.
