Pinalakasan kan Philippine Coast Guard (PCG) an presensya kaini sa Kalayaan Island Group (KIG) sa paagi kan pag-aktibar nin auxiliary district sa Pag-asa Island.
Pinangenotan ni PCG Commandant Admiral Ronnie Gil Gavan an pormal na seremonya kan pagtugdas kan PCG Auxiliary District.
Kabilang sa mga bagong miyembro na nagsumpa iyo si Kalayaan Mayor Balthazar “Billy” Alindogan, mga paratukdo, asin iba pang opisyal kan lokal na gobyerno.
Segun ki PCG spokesperson Rear Admiral Jay Tarriela, importante an direktang partisipasyon kan mga sibilyan sa pagtulod kan pagkaburunyog asin pagtupad sa saindang katungdan sa komunidad.
Sa paagi kan bagong auxiliary district, pighuhuna na mas mapalawig an partisipasyon kan mga residente kan Pag-asa Island sa maritime safety, search and rescue, asin proteksyon kan kadagatan.
An Kalayaan Island Group, na parte kan Palawan, sarong pinagdedebatehan na lugar sa West Philippine Sea.
