Sierto na an paglaog kan Pinay tennis sensation na si Alex Eala sa quarterfinals kan Miami Open.
Kawsa ini kan pag-atras ni Paula Badosa kan Spain gikan sa tournament.
Sinasabing huli sa pigmamateng injury, dae na kakayanon ni Badosa na liwat pang magsalang sa match.
Huli sa mga adjustment, otomatikong nakalaog si Eala sa quarterfinals kan prestihiyosong torneo.
An 19-anyos na Filipina, padagos na naggigibo nin kasaysayan sa ladangan kan tennis, orog na ta ini an saiyang premirong pagkakataon na makaabot sa siring na antas sa sarong WTA 1000 na torneo.
An trayumpo na ini sarong dakulang lakdang para sa Philippine tennis, asin sierto na matao nin inspirasyon sa mga jovenes na atleta sa nasyon.
Ngunyan, hahampangon ni Eala an manggagan sa laban ninda Iga Swiatek asin Elina Svitolina para sa masunod na round.
