Paramientras pagbabawalan an mga parasisira sa paglawod sa Rozul Reef (Iroquois) asin sa kadagatan kan Puerto Princesa, Palawan magpuon kan alas-5 nin hapon hasta alas-9 nin banggi kan Enero 25 hasta 27 huli sa posibleng rocket debris.
Sa iniluwas na advisory kan Bureau of Fisheries and Aquatic Resources (BFAR) MIMAROPA, sinabi kaini na natukoy an mga drop zone susog sa paglansar kan Long March 8A rocket kan China gikan sa Wenchang Spacecraft Launch Site sa Hainan province, China.
Piglalaomang mabagsak an rocket debris sa 106 nautical miles gikan sa Rozul Reef, 34 nautical miles gikan sa Puerto Princesa, asin 34 nautical miles gikan Hadji Muhtamad, Basilan.
Pigsaysay man kan BFAR na an mga rocket debris, dae piglalaomang mabagsak sa anumang kadagaan o kaharungan sa laog kan teritoryo kan nasyon.
Siringpaman pwede ining makadanyar sa mga lunadang nag aagi sa mga rocket debris zone.
Katakod kaini, nagpatanid an Philippine Space Agency (PhilSA) sa publiko kontra sa pagkua nin mga rocket debris nin huli ta an mga materyales siring kan rocket fuel posibleng may mga lason.
Pig inkaminar man an publiko na ireport an anumang mahiling na debris sa mga lokal na awtoridad, BFAR o PhilSA.
